Türkmen türgenleri Ispaniýanyň Kambrils şäherinde geçirilen däp bolan karate boýunça dünýä çempionatynda üç medal - bir kümüş we iki bürünç gazandylar diýip, "Türkmenistan: Altyn asyr" elektron neşiri habar berýär.
Çempionata 17 döwletden 549 türgen gatnaşdy. Türkmenistanyň adyndaky ýaryşlarda 10 türgen wekilçilik etdi.
Selim Myratdurdyýew şahsy bäsleşikde (kumitde) bürünç medal, jübütleýin en-bu bäsleşiginde (bellenilen wagtda tilsimleriň görkezme çykyşy) Nurgeldi Annagurbanow bilen kümüş medal, toparlaýyn ýaryşda bolsa Hemra Begjanow, Kemal Ataýew we Eziz Zekerýaýew bilen bürünç medal aldy.
Türkmen türgenleri dünýä çempionatyna Türkmenistanyň Däp bolan karate federasiýasynyň başlygy Diýar Hojaýewiň we Türkmenistanyň milli ýygyndysynyň baş tälimçisi Döwlet Berdiýewiň ýolbaşçylygynda taýýarlandylar. Dünýä birinjiliignde Türkmenistanyň adyndan eminler Eýmur Mademinow we Guwanç Adyýew wekilçilik etdi.
