Nikon Small World fotosurat bäsleşigi 50 ýyllygyny belledi. 2024-nji ýylda bu bäsleşige gatnaşmak üçin 80 ýurtdan 2100 arza berildi. Emin agzalary suratlara olaryň özboluşlylygyna, maglumat berijiligine, tehniki ussatlyga we wizual gözellige görä baha berdiler.
ABŞ-nyň Jorjiýa ştatyndaky Ogasta uniwersitetiniň lukmançylyk kollejinden bolan Bruno Çisterna we Erik Witriol syçan beýnisiniň differensirlenen çişiniň suraty bilen baş baýraga eýe boldular.
Ikinji ýeri italiýaly fizik we suratçy doktor Marsel Klemens eýeledi. Ol ştyr bilen simiň arasyndaky elektrik “ýaýy” 10 esse ýakynlaşdyryp surata düşürdi.
Üçünji ýeri kenep ýapragynyň gümmez şekilli trihomalarynyň suraty bilen Port-Tounsendden (ABŞ-niň Waşington ştaty) bolan Kris Romeýn eýeledi.
Beýleki gyzykly işler:
Syçanyň inçe içegesiniň iç ýüzi (kesilen görnüşi) (Emi Enjewik)
Osminogyň ýumurtgalarynyň üýşmegi (Tomas Barlou we Konnor Gibbons)
Cribaria cancellata-nyň sliznewikeri (Genri Koskinen)
Bag kerebindäki tozgajyklar (Jon-Oliwer Dum)
Gara domalan kömeleginiň sporalary (Ýan Martinek)
Çüýrän şahadaky suw damjaly heň (Ferens Halmos)
Şpris iňňesindäki kebelek ganatynyň gowjagazlary (Daniel Knop)
Ýaşyl möýüň gözleri (Pawel Blaçowiç)
Bäsleşige gatnaşanlaryň suratlary daş-töweregimizdäki adaty göze görünmeýän gözelligi görmäge mümkinçilik berip, täze gözýetimleri açýar.
