Amerikaly repçi, prodýuser, dizaýner we öňki dollar milliarderi Kanýe Uest täze “In Who’s Name?” (“Kimiň hatyrasyna?”) dokumental filminiň premýerasyny anons etdi. Film soňky alty ýylyň dowamynda surata düşürildi diýip, Variety habar berýär.
Film “Ýeniň köpçüligiň öňünde özgermesiniň özboluşly we kinematografik perspektiwasyny” wada berýär. Repçi 2021-nji ýylda adyny Ýe diýip resmi taýdan üýtgetdi.
Filmiň promoroligi 7-nji noýabrda çykar.
“Bir milliard dollar býujet we hakykata ymtylyş bilen, Ýe aýfony bar bolan 18 ýaşly Nikolas Ballesterosy şahsyýetiň ony dünýäniň iň jedelli artistine öwren öjükdiriji pikirlere, uly garaýyşlara we batyrgaý paradokslara garşy durýan durmuşynyň bezelmedik taraplaryny açyp görkezýän alty ýyllyk syýahata çagyrdy” – diýlip, filmiň beýanynda aýdylýar.
“Film Ýeniň Amerikanyň taryhynda iň baý gara bedenli adama öwrülişini yzarlaýar we ýyldyzyň erkinligiň hatyrasyna ähli guran zatlary bilen näme üçin töwekgelçilik edendigi baradaky soraga jogap berýär” – diýip, filmi döredijiler belledi.
Häzirki wagtda dokumental film postprodakşen tapgyryndadyr.
