Angliýanyň “Mançester Ýunaýted” futbol kluby öz resmi saýtynda portugaliýaly hünärmen Ruben Amorimiň toparyň baş tälimçisi wezipesine bellenendigini habar berdi.
“Goldawyňyz üçin minnetdar. Men ynamyňyzy ödärin” – diýip, Amorim sosial ulgamlarda özüniň bu wezipä bellenmegine teswir berdi. Onuň sözlerini United Zone getirýär.
Mundan öň 39 ýaşly hünärmen Lissabonyň “Sportinginde” tälimçidi. Onuň bu klub bilen şertnamasyny möhletinden öň ýatyrandygy üçin “MÝ” öwezini dolma hökmünde 10 mln ýewro tölemeli bolar.
KHBS-iň maglumatlaryna görä, tälimçiniň “MÝ” bilen şertnamasy ýene bir ýyl uzaltmak mümkinçiligi bilen 2027-nji ýylyň tomsuna çenli hereket eder. Ol ýylda 8 mln ýewro alar.
Amorim 11-nji noýabrdan işe girişer.
“Sportingde” işe başlamazdan ozal, Amorim “Braga” ýolbaşçylyk edýärdi. Umuman alanyňda, portugaliýaly hünärmen tälimçi hökmünde alty kubok gazandy.
Ýatlap geçsek, duşenbe güni “Mançester Ýunaýted” baş tälimçi niderlandly Erik ten Hagy işden çykardy. Onuň wezipe borçlaryny ýerine ýetiriji toparyň öňki oýunçysy Rud wan Nistelroý boldy.
