Nýu-Ýorkuň şäher geňeşi pyýadalaryň köçäni rugsat berilmedik ýerden kesip geçmegi üçin salynýan jerimeleri ýatyrýan kanuny tassyklady. Pyýadalar indi hatda gyzylda hem ýoly kesip geçip bilerler.
Bu täzelik pyýadalara ýoly has erkin kesip geçmäge mümkinçilik berýär, polisiýa işgärlerini bolsa bu düzgüni bozýanlara gözegçilik etmek borjundan boşadýar. Kanunyň awtorlarynyň biri bolup durýan şäher geňeşiniň agzasy Mersedes Narsis bu kararyň polisiýanyň has möhüm meselelere ünsi jemlemegine mümkinçilik berjekdigini aýtdy.
Emma täze düzgünler pyýadalara artykmaç hukuk bermeýär. Pyýadalar awtoulaglara ýol bermeli we ulaglara niýetlenen ýerlerde erkin hereket edip bilmezler. Pyýadanyň günäsi bilen ýol-ulag hadysasy ýüze çykan halatynda raýat arzasyny bermek mümkinçiligi saklanyp galýar.
Ýakynda ABŞ-nyň ýene-de birnäçe iri şäherlerinde şuňa meňzeş kanunlar kabul edildi.
Köçäni rugsat berilmedik ýerden kesip geçmeklige gadaganlyk Nýu-Ýorkda 1958-nji ýyldan bäri hereket edip, soňky ýyllarda bu düzgüni bozanlara salynýan jerimäniň möçberi 250 dollara ýetdi.
