9-njy noýabrda Mozilla-nyň "Firefox" brauzerine 20 ýyl dolýar. Kompaniýa bu waka gabatlap täze funksiýaly we aýratynlyklary bolan Firefox 132 brauzerini çykardy diýip, PCWorld habar berýär.
Esasy täzelenme - ulanyjynyň şahsy maglumatlarynyň goragyny güýçlendirmek üçin üçünji tarap cookies-iň doly petiklenmegi. Bu aýratynlyk ulanyjylara “Berk” režiminde elýeterlidir we öz maglumatlaryna has gowy gözegçilik etmäge mümkinçilik berýär.
Şeýle hem, täze wersiýa programmadaky 11 gowşaklygy, şol sanda iki sany düýpli gowşaklygy aradan aýyrýar. Olar CVE-2024-10459 - brauzer işlän wagtynda dinamiki ýadyň nädogry ulanylmagy sebäpli zyýanly koduň ýerine ýetirilmegine getirip biljek “use-after-free” gowşaklygy we CVE - 2024-10458 - ygtybarly sahypadan ygtybarsyz sahypa geçirmäge mümkinçilik berýän gowşaklyk.
Şeýle-de täzelenme meşhur akym platformalarynda 4K wideo üçin goldaw goşýar. Mazmuny diňlemek üçin ol şifrlemegi we media faýllarynyň göçürilmeginiň öňüni alýan Microsoft PlayReady tehnologiýasyny ulanýar. Häzirlikçe bu funksiýa synag tapgyrynda we saýtlarda çäkli mukdarda elýeterlidir.
Esasy brauzerden başga-da, Mozilla Firefox ESR, Tor Browser we Thunderbird e-poçta müşderisini täzeledi. Firefox ESR 128.4.0 wersiýasy 10 gowşaklyga düzedişini aldy we täzelenen Tor Browser 14.0.1-e diňe Firefox 132-den täze howpsuzlyk aýratynlyklary geçdi. Thunderbird e-poçta müşderisiniň wersiýasy 128.4.0esr (diňe täze operasiýa ulgamlarynda goldanýar) täzelenme we 10 gowşaklyga düzediş aldy.
Firefox 132-niň çykmagy ýubileýe bagyşlanan çäreleriň diňe bir bölegidir. Indiki Firefox 133 täzelenmesi 2024-nji ýylyň 26-njy noýabrynda meýilleşdirilýär.
