2024-nji ýylyň iki gezek Olimpiýa çempiony, amerikaly zenan suwda ýüzüji Keýt Duglas Singapurda geçirilýän Dünýä kubogynyň üçünji tapgyrynda gysga suwda 200 metr aralyga brass usulynda ýüzmekde dünýä rekordyny täzeledi. Ol bu aralygy 2 minut 12,72 sekuntda geçdi.
Şeýlelik bilen, ol geçen hepde Günorta Koreýanyň Inçhon şäherinde geçirilen Dünýä kubogynyň ikinji tapgyrynda 2.14,16 görkezijisi bilen goýan rekordyny täzeledi. Duglasdan öň dünýä rekordy onuň watandaşy Rebekka Sonä degişlidi (2.14,57), ol rekordy 2019-njy ýylda goýdy.
Singapurda geçirilýän Dünýä kubogynyň tapgyrynda ikinji orny 2.18,79 netije bilen belarusly suwda ýüzüji Alina Zmuşka eýeledi, liderleriň üçlügini Awstraliýadan Tara Kinder jemledi (2.19,08).
Singapurda gysga suwda ýüzmek boýunça Dünýä kubogynyň tapgyry 2-nji noýabrda tamamlanar.
