Awtoulag duralgasyndan 20 dollar tapan amerikaly bir adam lotereýa petegini alyp, 1 million dollar utdy

  • 31.10.2024 06:49
  • 18k+

Demirgazyk Karolinanyň (ABŞ) Banner Elk şäherinden agaç ussasy Jerri Hiks dükanyň awtoulag duralgasyndan 20 dollarlyk kagyz puly tapdy. Tötänlikde tapan puluna ol dessine lotereýa petegini satyn aldy, bu bolsa oňa uly utuş - 1 million dollar getirdi. Bu wakany CNN gürrüň berdi.

"Olarda meniň gözleýän petegim ýok eken, şonuň üçinem şuny satyn alypdym" –diýip, Hiks gürrüň berdi .

Birnäçe günden soň Jerri utuşyny haýsy usul bilen aljagyny saýlamak üçin lotereýa merkezine bardy. Oňa iki usul teklip edildi: tölegi 20 ýylyň dowamynda 50 müň dollardan bölüp almak ýa-da 600 müň dollar möçberinde bir gezekde almak. Ol ikinji usuly saýlady. Salgydy hasaplanyp aýrylandan  soň, eline 429 007 dollar aldy.
Agaç ussasy 56 ýyldan bäri agaç ussasy bolup işleýändigini we indi pensiýa çykmak isleýändigini aýtdy. Pulunyň bir bölegini çagalaryna bermek isleýär.

"Ýöne ondan öň göni Golden Corral-a (amerikan restoranlar zynjyry) bararys we ol ýerde bar zatlardan hemmesini iýeris" - diýip, bagty çüwen bu adam degişdi.


şu gün 20:45
760

ByteDance ABŞ üçin TikTok-yň we CapCut-yň aýratyn wersiýalaryny çykarar

Hytaýyň ByteDance kompaniýasy diňe bir TikTok sosial ulgamynyň däl, eýsem CapCut wideoredaktorynyň aýratyn wersiýasyny çykarmagy meýilleşdirýär. Olar diňe ABŞ-daky ulanyjylara gönükdiriler diýip, Business Insider habar berýär...

düýn 14:16
3.2k+

Trump Media kompaniýasy Netflix-iň bäsdeşi boljak Truth+ akym hyzmatyny işe girizdi

Trump Media kompaniýasy özüniň Truth+ akym hyzmatynyň dünýä derejesinde işe başlandygyny habar berdi. Häzirki wagtda platformadaky göni ýaýlymlar we wideo mazmun mugt elýeterlidir. Abuna ýazylmak barada maglumat ýok diýip, Reuters ýazýar...

düýn 13:12
9.7k+

ABŞ-da göz şekilli penjireleri bolan üýtgeşik myhmanhana guruldy

Denwer amerikan şäheriniň merkezinde fasady ýüzlerçe “göz” şekilinde ýerine ýetirilen üýtgeşik Populus myhmanhanasy açyldy. Binagärlik taslamasy Studio Gan studiýasy tarapyndan durmuşa geçirildi we diňe bir täsin dizaýny bilen däl, eýsem gurluşyga ekologik çemeleşmesi bilen tapawutlanýar diýip, ArchDaily ýazýar...

06.07.2025 15:52
11k+

ABŞ-da gulçylygy ýatyrmak baradaky resminama 13,7 mln dollara satyldy: ony milliarder Kennet Griffin satyn aldy

Milliarder Kennet S. Griffin Sotheby’s auksionynda ABŞ-nyň Konstitusiýasyna girizilen 13-nji düzedişiň Awraam Linkoln tarapyndan gol çekilen golýazmasyny satyn aldy. Gul eýeçiligini ýatyran resminama 12 mln dollara satyldy, auksionyň komissiýalary hem goşulanda, geleşigiň umumy mukdary 13,7 mln dollar boldy...