“KAMAZ” kompaniýasy AFK-nyň “Sistema” kompaniýasy bilen bilelikde täze “Chistogor” wodorod awtoulagyny hödürledi. Ulagyň tanyşdyrylyşy Moskwada wodorod energiýasy boýunça halkara konferensiýanyň çäginde geçirildi diýip, Hi-Tech Mail habar berýär.
Ekologiýa taýdan arassa täze model bir gezek doldurylan ýangyç bilen 500 kilometr geçmäge we 20 tonnadan gowrak ýüki äkitmäge ukyplydyr.
Ýük awtoulagynyň güýç gurluşy Kanadanyň ýangyç generatoryna esaslanýan AFK-nyň “Sistema” wodorod tehnologiýalary merkezi tarapyndan işlenip düzüldi. Häzirki wagtda bu model wodorody saklamak üçin import ballonlary ulanýar, ýöne geljekde olary rus analoglary bilen çalyşmak meýilleşdirilýär. Şeýle hem, 2025-nji ýyldan başlap Russiýada ýangyç elementlerini hem öndürmek isleýärler.
“Wodorod tehnologiýalarynyň geljegi aýdyň. Biz ýük maşyn gurluşygy pudagynda wodorod tehnologiýalaryny ulanmak we ösdürmek işinde öňdäki hatarda bolmalydyrys " - diýip, “KAMAZ”-yň KPJ-nyň baş müdiri Sergeý Kogogin belledi.
Ýük awtoulagyny synag meýdançasynda synagdan geçirmeklik ýylyň ahyryna çenli tamamlanar, şondan soň täze modelleriň önümçiligi, hakyky şertlerdäki synaglar we sertifikatlaşdyrmak başlar.
