Naavtotrasse portaly “KAMAZ” kompaniýasynyň “Linkor” atly ilkinji krossoweri barada uly habar neşir etdi.
Kompaniýa arzan bahaly krossowerler kategoriýasynyň meşhurlyk gazanmagy dowam etdirýändigi sebäpli, bu bazara çykmak kararyna geldi. “KAMAZ Linkor” modelini döretmekde hyzmatdaş eýýäm birnäçe wagtdan bäri krossowerleri çykarýan Hytaýyň BAIC awtomobil öndürijisi bolup biler.
BAIC hatarynda “KAMAZ Linkor” üçin prototip bolup biljek Beijing X7 modeli bar. Hytaýda bu awtomobil, takmynan, 1,37 mln rubla düşýär. “KAMAZ Linkoryň” hem şol bir platforma eýe bolmagyna we käbir dizaýn elementlerini göçürip almagyna garaşylýar.
Daşky görnüşi boýunça Beijing X7 we “KAMAZ Linkor” meňzeş bolar, ýöne täze krossoweriň salony Mercedes-Benz modellerini ýada salar. “KAMAZ-yň” ilkinji krossoweriniň interýerinde öň panelde diagonaly 10,25 ýa-da 12,3 dýuým bolan ekranlary birleşdirýän goşa displeý peýda bolar. Şeýle-de, howa gözegçilik ulgamyny dolandyrmak üçin üçünji ekran bolar. Esasy toplumlarda enjamlaşdyrma ýönekeý bolar.
“KAMAZ Linkor” 275 Nm güýç pursaty bilen kuwwaty 188 at güýji bolan 1,5 litrlik turbo hereketlendirijisine eýe bolmaly. Ol 7-derejeli awtomatik herekete geçiriji guty ýa-da 6-derejeli mehaniki herekete geçiriji guty bilen işlär. Bu krossower hem hytaý krossoweri ýaly öňdäki MakFerson diregine we yzky köp ryçagly asgyja esaslanar.
