“Banan” üçin $1,5 mln: Sotheby’s Maurisio Kattelanyň installýasiýasyny satuwa çykarar

  • 28.10.2024 14:40
  • 7.5k+

Sotheby’s auksion öýi italiýaly suratkeş Maurisio Kattelanyň belli “Comedian” installýasiýasyny satuwa çykarar. Işiň çak edilýän bahasy 1 – 1,5 mln dollara barabar.

Bu lot diwara skotç bilen ýelmenen banandyr. Sungat eseri ilkinji gezek 2019-njy ýylda Art Basel Miami Beach ýarmarkasynda görkezildi.
Kattelan bu installýasiýadan üç nusga döretdi. Ikisi 120 müň dollara satyldy, üçünjisi bolsa Nýu-Ýorkdaky Solomon Guggenhaým muzeýine berildi.
Bu gezek alyjy diňe bir banan däl-de, eýsem ýelim lentasyny, hakykylyk şahadatnamasyny we suratkeşden installýasiýany nähili gurnamalydygy barada jikme-jik görkezmeleri alar.
Belläp geçsek, sungaty öwrenijileriň bu eser babatda pikirleri tapawutlanýar: käbirleri onda prowokasiýany, beýlekiler – sungatyň gymmatlygyny şübhe astyna goýan Marsel Dýuşanyň işlerine salgylanmany görýärler. 
Bu sungat işi diwardan banany aýryp, arassalap, ony serginiň ýüzlerçe myhmanynyň öňünde iýen suratkeş Dewid Datunyň performansyndan soň giň meşhurlyga eýe boldy.
Auksiondan öň “Comedian” dünýäniň sekiz şäherinde köpçülige görkeziler: London, Pariž, Milan, Gonkong, Dubaý, Taýbeý, Tokio we Los-Anjeles. Söwda 20-nji noýabra meýilleşdirilýär.

düýn 22:31
403

GQ Japan neşiri Hideo Kodzimany ýylyň «Iň gowy döredijisi» diýip yglan etdi

GQ Japan žurnaly Hideo Kodzimany «Ýylyň adamy» (Man of the Year) nominasiýasynda 2025-nji ýylyň «Iň gowy döredijisi» diýip yglan etdi. Neşiriň redaksiýasynyň pikirine görä, bu dörediji diňe bir oýun döretmek bilen çäklenmän, eýsem, kino we interaktiw mediýanyň arasyndaky serhetleri ýok edip, düýbünden täze görnüşli güýmenjeleri oýlap tapýar...

düýn 21:19
2.7k+

ABŞ-da 74 ýaşly adam ogullyga alyndy we Ginnesiň rekordlar kitabyna girdi

Ginnesiň rekordlar kitaby ABŞ-nyň Pensilwaniýa ştatyndan bolan Bill Steýns baradaky täsin wakany gürrüň berýär. Birnäçe ýyl mundan ozal ol dünýäde ogullyga alnan iň garry adam boldy — ogullyga alnan wagtynda ol 74 ýaş we 303 günlükdi...

düýn 21:08
1k+

Kwentin Tarantino "Açlyk oýunlarynyň" döredijilerini plagiatda aýyplady

Režissýor Kwentin Tarantino "Açlyk oýunlary" (The Hunger Games) franşizasynyň 1999-njy ýylda çykan "Şa söweşi" (Battle Royale) atly ýapon romanyndan we onuň film adaptasiýasyndan göçürilip alnandygyny (plagiatdygyny) öňe sürdi diýip, "The Hollywood Reporter" neşiri habar berýär...

düýn 19:41
4k+

Dünýäde iň kiçi aty Ginnesiň rekordlar kitabyna girizildi

Pumukel atly at dünýäniň iň kiçi aty hökmünde Ginnesiň rekordlar kitabyna girdi. Onuň geriş beýikligi bary-ýogy 52,6 santimetr. Pumukel Germaniýadaky bir fermada ýaşaýar. Onuň eýesi Karol Waýdmann atyny bäş ýyl mundan ozal, ol entek kiçijik taýçanakka özüne aldy...