Ýarym ýeňil agramda UFC-niň häzirki çempiony Iliýa Topuriýa amerikaly Maks Holloueýi nokaut ýagdaýyna düşüren ilkinji söweşiji boldy.
Abu-Dabide UFC 308-iň esasy wakasy bolan bu titul söweşi üçünji raundda tamamlandy. Ispan-gruziýaly söweşiji Holloueýi ilki sag tarapdan urgy bilen silkindirdi we eýýäm soňky epizodlarda garşydaşyny çep urgusy bilen ýere ýykyp, ýene birnäçe urgy bilen üstüni ýetirdi.
Söweşden soň beren interwýusynda Iliýa Topuriýa şu ýylyň fewral aýynda ýarym ýeňil agramda UFC-niň çempionlyk guşagyny elden gidiren Aleksandr Wolkanowskä rewanş bermäge taýýardygyny aýtdy.
Ýatlap geçsek, häzirki wagtda ýeňilmäni bilmeýän Iliýa Topuriýa agram derejesine garamazdan UFC-niň iň gowy söweşijileriniň reýtinginde dördünji orny eýeleýär. Topuriýanyň hasabynda 16 söweşde 16 ýeňiş bar. Maks Holloueýiň hasabynda bolsa 26 ýeňiş bilen sekiz ýeňliş bar.
