“Altyn top” – 2024: ähli nominasiýalarda dalaşgärleriň sanawy we dabaranyň geçiriljek senesi

27.10.2024 08:14
11k+

Fransiýanyň France Football žurnalynyň abraýly “Altyn top” baýragynyň gowşurylyş dabarasy 2024-nji ýylyň 28-nji oktýabrynda Parižiň Şatle teatrynda geçiriler. Dabaranyň dowamynda şu aşakdaky nominasiýalarda 2023/2024-möwsüminiň jemi boýunça baýraklar gowşurylar:

Erkekleriň arasynda “Altyn top” (möwsümiň iň gowy futbolçysy) – dalaşgärleriň hatarynda Winisius Žunior (“Real”), Rodri (“Mançester Siti”), Kilian Mbappe (“Real”), Erling Holand (“Mançester Siti”), Jud Bellingem (“Real”), Garri Keýn (“Bawariýa”), Lamin Ýamal (“Barselona”) bar (dalaşgärleriň doly sanawynda 30 oýunçy bar);
Zenanlaryň arasynda “Altyn top” (möwsümiň iň gowy zenan futbolçysy) – dalaşgärleriň hatarynda Aýtana Bonmati (“Barselona”), Aleksiýa Putelýas (“Barselona”), Loren Jeýms (“Çelsi”) bar (dalaşgärleriň doly sanawynda 30 oýunçy bar);
Kopa baýragy (21 ýaşa çenli iň gowy oýunçy) – Lamin Ýamal (“Barselona”), Arda Gýuler (“Real”), Uorren Zair-Emeri (“PSŽ”) (doly sanawda 10 oýunçy bar);
Ýaşin baýragy (iň gowy derwezeban) – Emiliano Martines (“Aston Willa”), Janluiji Donnarumma (“PSŽ”), Ýan Zommer (“Inter”) (doly sanawda 10 derwezeban bar);
Gerd Mýuller baýragy (möwsümiň iň gowy bombardiri) – dalaşgärleriň sanawy we ýeňijini kesgitlemegiň kriteriýalary hödürlenmedik;
Erkekleriň arasynda ýylyň kluby – Dortmundyň “Borussiýasy” (Germaniýa), “Žirona” (Ispaniýa), “Baýer” (Germaniýa), “Mançester Siti” (Angliýa) we “Real (“Ispaniýa”);
Zenanlaryň arasynda ýylyň kluby – “Barselona” (Ispaniýa), “Çelsi” (Angliýa), “Nýu-Jersi/Nýu-Ýork Gotem” (ABŞ), “Lion” (Fransiýa) we “PSŽ” (Fransiýa);
Erkekleriň futbolynda ýylyň tälimçisi – Habi Alonso (“Baýer”), Karlo Ançelotti (“Real”), Luis de la Fuente (Ispaniýanyň milli ýygyndysy), Jan Pýero Gasperini (“Atalanta”), Hosep Gwardiola (“Mançester Siti”) we Lionel Skaloni (Argentinanyň milli ýygyndysy);
Zenanlaryň futbolynda ýylyň tälimçisi – Sonýa Bompastor (“Lion”/“Çelsi”), Artur Elias (“Korintians”/Braziliýanyň milli ýygyndysy), Jonatan Hiraldes (“Barselona”/“Waşington Spirit”), Emma Heýs (“Çelsi”/ABŞ-nyň milli ýygyndysy), Filipa Patao (“Benfika”) we Sarina Wigman (Angliýanyň milli ýygyndysy).