Şu agşam ispan La Ligasynda Madridiň “Realy” bilen Kataloniýanyň “Barselonasynyň” arasynda duşuşyk bolar. Oýun çempionatyň 11-nji tapgyrynyň çäklerinde Madriddäki “Santýago Bernabeu” stadionynda geçiriler.
Jürlewük sesi Aşgabat wagty bilen ýarygije ýaňlanar.
Oýna göni ýaýlymda “Türkmenistan Sport” teleýaýlymynda tomaşa etmek bolar. Şeýle-de, oýny “Матч ТВ” rus teleýaýlymy görkezer.
Häzirki wagtda çempionatyň ýaryş jedwelinde “Barselona” 27 utuk bilen birinji orny eýeleýär. “Real” ikinji orunda ýerleşýär. Madrid klubunyň hasabynda 24 utuk bar.
Geçen möwsümde “Real” we “Barselona” üç gezek duşuşdy: iki gezek – Ispaniýanyň çempionatynda, ýene bir oýun Superkubokda boldy, oýunlaryň üçüsi-de “Realyň” ýeňiş gazanmagy bilen tamamlandy – degişlilikde 2:1, 3:2 we 4:1.
“Real” La ligada 42 oýun bäri utulman gelýär. Bu görkeziji boýunça rekord bolsa “Barselona” degişli – 43 oýun.
Şu hepde iki topar hem Çempionlar ligasynda nemes klublaryny uly hasap bilen utdular. “Real” “Borussiýadan” (5:2), “Barselona” “Bawariýadan” (4:1) üstün çykdy.
