Germaniýaly ýaryşa gatnaşyjy Mihael Şumaheriň “Formula-1” ulag klasyndaky awtoýaryşlar boýunça dünýä çempionatynyň soňky möwsümindäki bolidi auksiona çykaryldy. Bu barada The Mirror habar berýär.
Gürrüň 2006-njy ýylda döredilen Ferrari 248 F1 barada gidýär we auksionda onuň 15 mln dollara satylmagyna garaşylýar. Şumaher bu awtoulagda 2006-njy ýylda çykyş etdi we onda bäş ýaryşda ýeňiji boldy. Auksion 14-nji noýabrda Nýu-Ýorkda geçiriler.
Belläp geçsek, tas 12 ýyl mundan ozal karýerasyny tamamlan 55 ýaşly Şumaher titullarynyň sany boýunça “Formula-1-iň” rekordyny britaniýaly Lýuis Hemilton bilen paýlaşýar. Olaryň her birinde ýedi çempionlyk bar. Ýeňişleriniň sany boýunça Şumaher diňe Hemiltondan (105) yza galyp, 91 ýeňiş bilen ikinji orunda ýerleşýär. Şumaher 1996-njy ýyldan 2006-njy ýyla çenli “Ferraride” çykyş edip, topar bilen bäş titul gazandy.
