2024-nji ýylyň oktýabr aýynyň ortalarynda Szyszinşan-ATLAS ady bilen tanalýan C/2023 A3 kometasy Ýere has golaý aralyga geldi. Ol 80 müň ýyl mundan ozal eýýäm planetamyzyň deňinden uçup geçipdi. TmCars ozal kometany adaty göz bilen synlap boljakdygyny habar beripdi.
Dünýäde millionlarça adam eýýäm seýrek astronomiki hadysany - Günüň aňry ýüzüne tarap gönügen kometanyň antiguýrugynyň şaýady boldular. Dürli ýurtlardan bolan synçylar öz fotosuratlaryny internetde paýlaşýarlar diýip, Live Science habar berýär.
Kometa 2023-nji ýylyň ýanwar aýynda Ýupiter bilen Saturnyň aralygyndaka Hytaýyň Szyszinşan obserwatoriýasy tarapyndan tapyldy. Soň bolsa ol Günorta Afrikadaky ATLAS teleskopy arkaly ýazga alyndy we asman jisiminiň goşa atly bolmagyna sebäp boldy.
Astronomlaryň berýän maglumatyna görä, Szyszinşan-ATLAS Gün ulgamynyň töweregindäki Oort buludyndan uçup gelip, Günüň töwereginde gaty uzyn orbital döwür – 80 660 ýyllap aýlanýar. Bu döwürde kometa Ýere bir gezek örän golaý gelýär.
Sentýabryň ahyrynda kometa Güne iň ýakyn nokat bolan perigelisindan geçdi, 12-nji oktýabrda bolsa planetamyza 70,6 million kilometr golaý geldi - bu Ýerden Aýa çenli aralykdan 180 esse uzakda bolýar. Aralygyň ep-eslidigine garamazdan, kometa teleskop ulanmazdan, Ýeriň ýüzünden synlamak üçin ýeterlik ýagtylyga ýetdi.
