“Barselona” El-Klasikoda Coldplay rok-toparyna bagyşlanan ýörite eşik toplumynda oýnar

  • 18.10.2024 10:19
  • 7.1k+

“Barselona” Spofity aýdym-saz platformasy bilen hyzmatdaşlygyň çäklerinde başlanan esasy oýunlar üçin özboluşly eşik toplumyny döretmek däbini dowam etdirýär.

26-njy oktýabrda Kataloniýa kluby myhmançylykda Madridiň “Realy” bilen duşuşar. Ispaniýanyň çempionatynyň çäklerinde möwsümiň iň esasy oýunlarynyň birini “Barselona” Britaniýanyň Coldplay rok-toparynyň täze “Moon Music” albomyna bagyşlanan ýörite eşikde geçirer.
Täze eşik toplumy 18-nji oktýabrda hödürlener, şondan soň çäkli mukdarda satuwa çykarylar.
“Barselonanyň” zenanlar topary hem 2-nji noýabrda “Eýbara” garşy oýunda şu eşik toplumynda çykmagy meýilleşdirýär.
Geçen möwsümde “Barselonanyň” oýunçylary Madrid kluby bilen oýunlarda meýdança Pink Floyd we Rolling Stones toparlarynyň logotipi bilen çykypdy.


Kataloniýa kluby häzirki möwsümi ähli ýaryşlarda 11 oýunda 9 ýeňiş gazanyp üstünlikli başlady. Klub La Liganyň ýaryş jedwelinde birinji orny eýeleýär we “Realdan” üç utuk öňdedir. 
Geljekki “El-Klasiko” “Realyň” Ispaniýanyň çempionatynda utulyşsyz tapgyr boýunça rekorda golaýlaýandygy bilen hem gyzyklanma döredýär. Häzir rekord “Barselona” degişli – 2017-nji ýylyň aprel aýyndan 2018-nji ýylyň maý aýyna çenli 43 oýun utulyşsyz. Eger ýekşenbe güni “Real” “Seltadan” utulmasa, “Barselona” bilen duşuşyk onuň üçin tapgyrda 43-nji bolar.


şu gün 09:22
4.4k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

düýn 23:17
3.8k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...

26.11.2025 12:52
7.7k+

Çempionlar ligasynyň 5-nji tapgyry: “Çelsi” “Barselonany” utdy, “ManSiti” “Baýerden” utuldy

Çarşenbe gününe geçilen gije UEFA-nyň Çempionlar ligasynyň umumy tapgyrynyň bäşinji oýunlary geçirildi. Olardan ikisi garaşylmadyk netije bilen tamamlandy: “Çelsi” “Barselonanyň” derwezesine jogapsyz üç gol geçirdi, “Mançester Siti” bolsa öýünde Lewerkuzeniň “Baýerinden” utuldy...