Gozgalmaýan emläk dünýäsinde kiçi jaýlar ýörgünli boldy. Dodeca Domes kompaniýasy bu ýörelgä üýtgeşme girizmek kararyna geldi we özüniň özboluşly Mini Dome (“Kiçi gümmez”) taslamasyny hödürledi diýip, New Atlas habar berýär.
Bu taslamany Joşua Talberg işläp düzdi. Bakminster Fulleriň pikirlerinden ylham alan arhitektor, 60 grany bolan geodeziki gümmez – pentakisadodekaedr şekilindäki binanyň taslamasyny döretdi.
Kebşirlenen polatdan we kese goýlan agaçlardan ýasalan gurluş, paýalardan we pürslerden bolan binýatda ýerleşdirilendir. Bu jaý berkligi we termoizolýasiýasy bilen tapawutlanýar. 28 inedördül metrlik jaýyň içinde açyk görnüşli 2 gat bolup, onuň her santmetri oýlanyşykly ulanylandyr.
Mini Dome-da aşhana, ýatylýan otag we hammam birleşdirilendir. Aşhanada sowadyjy, mikrotolkunly peç, aşhana tekjeleri, kofe maşyn, rakowina we toster bar. Ýatylýan jaý üçekde ýerleşdirilendir. Jaýyň kiçiligine garamazdan, onda queen-size ölçegindäki krowat bar.
Häzirki wagtda Mini Dome Airbnb-da kärendesine almak üçin elýeterlidir. 2025-nji ýylda özbaşdak gurnalýan toplumlaryň satuwyny başlamak meýilleşdirilýär. Bir tolumyň bahasy 15 müň dollar.
