Motorola kompaniýasy ABŞ-nyň Patentler we haryt nyşanlary edarasyna (USPTO) şarnirli innowasion eplenýän smartfony üçin patent arzasyny berdi diýip, Gizmochina habar berýär.
Gürrüň wideo jaňy wagtynda enjamyň ekranynyň ulanyja görä hereket etmek funksiýasy barada gidýär. Ulanyjy elmydama kadrda galar ýaly, ekran awtomatiki ýagdaýda epin burçuny üýtgedýär.
Patentde beýan edilen mehanizm, öňdäki kameranyň ýagdaýynyň dinamiki sazlanmagy üçin Apple enjamlarynda ulanylýan “Apple Center Stage” funksiýasyny ýada salýar.
"Eplenýän enjamyň form-faktoryna özbaşdak gözegçilik" ady bolan bu patent, şarnirde ýöriteleşdirilen materiallaryň we kiçijik hereketlendirijileriň ulanylmagyny göz öňünde tutýar.
Häzirki wagtda bu diňe bir patent we onuň täjirleşdirilmegi sorag astynda galsa-da, şular ýaly tehnologiýalar eplenýän smartfonlaryň meşhurlygynyň artýan şertlerinde uly ähmiýete eýedir.
