Gonkongly aktýor we kino režissýory Jeki Çanyň X sosial ulgamynda (öňki Twitter) täze suraty peýda boldy. Surat “The Sun” žurnalistleriniň ünsüni çekdi diýip, lenta.ru ýazýar.
70 ýaşly artistiň paýlaşylan suraty gyzyl futbolkaly, ýakasy ak reňkli goňur penjekde düşürilipdir. Onda artistiň çal reňkli saçlary açyk görünýär.
Muşdaklary paýlaşylan suraty görüp geň galdylar we teswir ýazyp başladylar. Olar: “Çagalar filmleriniň gahrymanynyň garraýşyny görmek örän gynandyryjy”, “Bize onuň ýaşlygynyň syry gerek”, “Wah, ajaýyp görünýär”, “Jeki Çan rowaýatlaryň rowaýaty. Hiç haçan onuň ýaly başga bir aktýor bolmaz ", "Bu surat özüňi garry duýmaga mejbur edip biljek"diýip ýazdylar.
Aprel aýynda geçirilen metbugat ýygnagynda Jeki Çan suratlaryndaky görnüşiniň sebäplerini aýtdy. Aktýor täze filmdäki keşbi üçin çal saçlaryny we sakgallaryny ösdürmelidigini düşündirdi.
