Geljek dynç günleri Ýeriň ýaşaýjylary asmanda C/2023 A3 Suçinşan-ATLAS kometasyny görüp bilerler. Bu asman jisimi 80 müň ýyldan soň ilkinji gezek Gün ulgamynyň golaýyndan uçup geçer diýip, CNN habar berýär.
Suçinşan-ATLAS soňky gezek Ýere baryp neandertallar döwründe şeýle ýakyn gelipdi. Ol geçen ýylyň ýanwar aýynda Hytaýyň Suçinşan obserwatoriýasy tarapyndan ýüze çykaryldy. Soňra onuň barlygy ATLAS taslamasynyň kömegi bilen Günorta Afrikada tassyklandy. Şol sebäpli C/2023 A3 iki ada eýe boldy.
Ozal günorta ýarym şarynyň ýaşaýjylary bu asman jisimini görüp bildiler, indi oktýabr aýynyň ortasyndan noýabr aýynyň başyna çenli demirgazyk sebitler hem ony synlap biler. 12-nji oktýabrda kometa Ýere mümkin boldugyndan has ýakyn geler, şonda planeta bilen onuň arasyndaky aralyk 71 mln km barabar bolar.
Kometany Gün ýaşandan soň asmanyň günbatar böleginde görmek bolar. Adamlaryň köpüsine dürbi gerek bolar, ýöne gözleri ýiti adamlar ony ýönekeý göz bilen görüp bilerler.
NASA-nyň meteoroid gurşawy bölüminiň ýolbaşçysy Bill Kukuň belleýşi ýaly, kometa meteor ýaly hereket etmän, “gijeden-gijä ýagdaýyny ýuwaşlyk bilen üýtgeder”.
Şeýle-de, astronomlar güýzüň beýleki möhüm astronomiki hadysalary barada habar berýärler. Mysal üçin, 17-nji oktýabrda Superaýy görmek bolar – Aý şu ýylyň islendik beýleki dolan Aýyndan Ýere has ýakyn bolup, 7,9% uly we 15,7% ýagty görner.
