“Liwerpulyň” müsürli hüjümçisi Mohammed Salah Çempionlar ligasynyň taryhynda iň köp gol geçiren afrikaly futbolçylaryň sanawynda birinji orunda durýar.
Penşenbe güni gije (Aşg. wagty) futbolçy Ýewropanyň esasy ýaryşynda 45-nji goluny tora girizdi. Salah Çempionlar ligasynyň toparlaýyn tapgyrynyň 2-nji oýnunda Italiýanyň “Bolonýasynyň” derwezesine gol geçirdi. Duşuşyk “Liwerpulyň” peýdasyna 2:0 hasabynda tamamlandy.
Şeýlelikde, müsürli futbolçy 44 gol geçiren, kot-d’iwuarly, “Çelsiniň” öňki hüjümçisi Didýe Drogbanyň görkezijisinden öňe geçdi. 30 gol bilen üçünji ýeri Kamerunyň hüjümçisi Samuel Eto'O eýeleýär.
Çempionlar ligasynyň 1-nji tapgyrynda “Liwerpul” “Milany” ýeňdi (3:1). Arne Slotyň topary indiki oýnuny 23-nji oktýabrda “RB Leýpsig” bilen geçirer.
