“Barselonanyň” polşaly hüjümçisi Robert Lewandowski Çempionlar ligasynda ortaça netijelilik boýunça öňdebaryjy boldy. Opta Jose statistika portalynyň maglumatlaryna görä, oýunçy her oýun üçin 0,79 gol gatnaşygyny görkezýär, bu hem ony argentinaly Lionel Messi bilen deňleşdirýär.
Karýerasynyň dowamynda Lewandowski Çempionlar ligasynyň 122 oýnunda 96 gol geçirdi. Bu döwürde ol üç klub: “Barselona”, “Bawariýa” we Dortmundyň “Borussiýasy” üçin çykyş etdi.
Bu görkeziji boýunça Lewandowski portugaliýaly Kriştianu Ronaldudan we niderlandly Rud wan Nistelroýdan öňe geçdi, olaryň görkezijisi 0,77 gola deň.
Netijelilik boýunça öňdebaryjylaryň bäşligini her oýun üçin 0,59 gol görkezijisi bilen fransiýaly Karim Benzema jemleýär.
Lewandowski ýokary netijeleri görkezmegini dowam etdirýär. Sişenbe güni 2024/25 möwsüminiň Çempionlar ligasynyň toparlaýyn tapgyrynyň 2-nji tapgyr oýnunda “Barselona” Şweýsariýanyň “Ýang Boýz” klubuny 5:0 hasabynda utdy. Şol oýunda Lewandowski iki gol geçirdi.
