Ispaniýanyň “Barselonasy” 2023/24 möwsüminiň jemi boýunça 91 mln ýewro möçberde ýitgi çekdi. Bu futbol klubunyň saýtynda ýerleşdirilen hasabatdan gelip çykýar diýip, RIA Nowosti habar berýär.
Şeýle-de, klub möwsümiň jemi boýunça hemaýatkärlerden (210 mln), transferlerden (80 mln) hem-de merçendaýzing bilen meşgullanýan golçur kompaniýanyň dolanyşygyndan (110 mln) rekord girdejileri gazandy. Klubuň zähmet tölegi gaznasy 670 mln ýewrodan 500 mln ýewro çenli azaldyldy.
Topar indiki möwsümiň ikinji ýarymynda “Kamp Nouwa” gaýdyp gelip, petek satuwyndan girdejini artdyrmagy meýilleşdirýär. Häzirki möwsümde toparyň hemaýatkärlik girdejisiniň 250 mln ýewro möçberde bolmagyna garaşylýar, zähmet tölegi gaznasy bolsa 500 mln ýewro möçberde galar.
Geçen möwsümde “Barselona” La Liganyň ýaryş jedwelinde ikinji orny eýeledi we 1/4 final tapgyrynda Çempionlar ligasyndan çykdy.
