Hyundai Motor Company esaslandyrylany bäri, 57 ýylyň içinde 100 million awtoulag öndürendigini habar berdi. Teslaratiniň bellemegine görä, ýubileý awtoulagy 15 milliondan gowragy satylan, brendiň iň geçginli awtoulagy bolan Avante (Elantra) ykjam sedanydyr.
Satuwda ikinji ýeri 10 million birligi satylan Accent (Solaris) modeli eýeleýär.
Kompaniýanyň iň köp satylan bäş awtoulagyna Sonata, Tucson we Santa Fe hem girdi.
100 millionynjy awtoulagyny öndürenden soň, konweýerden elektrik ulaglary pudagynda kompaniýanyň geljegini alamatlandyryp Hyundai Ioniq 5 düşdi.
Hyundai-2024-iň Baş maýadar direktorynyň gün tertibiniň çäginde kompaniýa elektrik, gibrid we wodorod ulaglary portfelini giňeltmek strategiýasyny yglan etdi.
Şeýle hem, Hyundai-yň awtoulaglary akylly enjamlar we telefonlar bilen birleşdirýän ekoulgamy döretmek üçin Samsung bilen hyzmatdaşlyk edip başlandygy belli boldy.
