Antuan Grizmann Fransiýanyň milli ýygyndysynda karýerasyny tamamlaýar

  • 01.10.2024 09:56
  • 7.3k+

Madridiň “Atletikosynyň” 33 ýaşly hüjümçisi Antuan Grizmann Fransiýanyň milli ýygyndysynda karýerasyny tamamlaýandygyny resmi taýdan yglan etdi.

“Ýatlamalardan doly kalbym bilen durmuşymyň bu babyny ýapýaryn. Bu ajaýyp üç reňkli başdangeçirme üçin minnetdar we ýene görüşýänçäk” – diýip, Grizmann sosial ulgamlardaky sahypasynda ýazdy.

Grizmann Fransiýanyň milli ýygyndysy üçin 2014-nji ýylyň mart aýynda ilkinji gezek çykyş etdi. Şondan bäri milli topar üçin 137 oýna gatnaşyp, 44 gol geçirdi. 2018-nji ýylda Antuan Fransiýa bilen dünýä çempiony boldy, 2021-nji ýylda bolsa UEFA-nyň Milletler ligasynda ýeňiş gazandy.
Häzirki möwsümde Grizmann “Atletikonyň” düzüminde ähli ýaryşlarda sekiz oýna gatnaşyp, üç gol geçirdi we dört netijeli geçirim etdi.


düýn 21:35
3k+

Mundo Deportivo: "Barselona" transfer maksatlaryny kesgitledi: gysga sanawda — Keýn, Holland we Alwares

"Barselona" tomusky transfer penjiresi üçin ileri tutulýan oýunçylaryň sanawyny düzdi diýip, Mundo Deportivo habar berýär. Neşiriň maglumatyna görä, toparyň baş tälimçisi Hans-Diter Flik sport direktory Deku we sport komitetiniň beýleki agzalary bilen bilelikde güýçlendirmek üçin esasy pozisiýalary – çep aýakly merkezi goragçyny, wingeri (ganat hüjümçini) we merkezi hüjümçini kesgitlediler...

düýn 18:52
3.1k+

“Inter Maýami” Messi bilen MLS Kubogynyň finalyna çykdy we birnäçe rekord goýdy

30-njy noýabrda irden (Aşgabat wagty bilen) “Inter Maýami” MLS Kubogynyň pleý-offunyň ýarym finalynda “Nýu-Ýork Sitini” uly hasap bilen utdy. Fort-Loderdeýldäki oýun 5:1 hasabynda tamamlandy. Bu oýun şol bir wagtyň özünde MLS-iň Gündogar konferensiýasy 2025-iň finaly boldy...

29.11.2025 19:46
4.8k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

29.11.2025 09:22
8.8k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...