Howa ýetýän täsirleri öwrenmek boýunça Postdam institutynyň (PIK) täze hasabatyna görä, adamzat Ýeriň antropogen täsirlere çydap bilmek ukybyny kesgitleýän dokuz planeta serhediniň eýýäm howanyň üýtgemegi, biogeohimiýanyň üýtgemegi ýaly alty serhedini bozdy. Indi alymlar ýedinji serhede – ummanyň turşamagyna ýakynlaşylýandygyny duýdurýarlar diýip, The Guardian ýazýar.
Hasabatda, aýratynam, ýokary giňişlikdäki sebitlerde ummanyň turşamagynyň howply nokada golaýlaýandygy nygtalýar.
PIK alymlary bu prosesiň deňiz ekoulgamlaryna çynlakaý howp salýandygyny, sebäbi iýmit zynjyrynyň bozulmagyna we planetanyň klimatyny kadalaşdyrmak üçin möhüm bolan ummanyň uglerod siňdirmek ukybynyň peselmegine getirip biljekdigini bellediler.
Planeta serhetleriniň kesgitlenişi barada giňişleýin maglumaty şu salgy boýunça okap bilersiňiz.
