Madridiň “Realynyň” baş tälimçisi Karlo Ançelotti La Ligada utulyşsyz tapgyr boýunça täze rekord goýup, Alberto Ormaeçeanyň 40 ýyllyk görkezijisinden öňe geçdi.
Ispaniýanyň çempionatynyň 7-nji tapgyr oýnunda “Real” “Alawesden” 3:2 hasabynda üstün çykdy. Bu ýeňiş topar üçin yzygider 39-njy boldy, bu hem Ançelottä Ormaeçeanyň öňki rekordyny täzelemäge mümkinçilik berdi. Ormaeçeanyň ýolbaşçylygynda “Real Sosýedad” 1979 – 1980-nji ýyllarda yzygider 38 oýunda utulmandy.
“Realyň” bu üstünlikli tapgyry La Liganyň taryhynda dowamlylygy boýunça ikinjidir. Rekord 2017 – 2018-nji ýyllarda Luis Enrikäniň we Ernesto Walwerdeniň ýolbaşçylygynda 43 oýunda utulmadyk “Barselona” degişlidir.
Ançelotti La Liganyň taryhynda ýeňlişsiz 39 oýun görkezijisine ýetmegi başaran ilkinji tälimçi boldy.
