Leýpsigiň aýdym-saz kitaphanasyndan Wolfgang Amadeý Motsartyň ozal näbelli eseriniň partiturasy tapyldy. Bu barada kitaphananyň wekilleri öz resmi web sahypasynda habar berdiler.
1760-njy ýyllaryň ahyrynda döredilen bu partitura kompozitoryň ýaşlyk döwrüne degişli we Serenate ex C atly 12 minutlyk eserdir. Kompozisiýa krişli trio (skripka we wiolonçel) üçin ýedi miniatýuradan ybarat.
Barlagçylar bu partiturany Mosartyň eserleriniň doly arhiwi bolan Kýohel katalogyny täzelemegiň üstünde işleýärkäler tapdylar. Täze katalogda bu eser Ganz kleine Nachtmusik (“Gaty gysga gije sazy”) diýip atlandyryldy. 1780-nji ýyllara degişli golýazma nusga görnüşindedir, ýöne alymlar onuň Mosarta degişlidigine ynanýarlar.
Bu eser ilkinji gezek 21-nji sentýabrda Leýpsig operasynda ýerine ýetiriler. Çärä giriş tölegsiz.
