Italiýaly Stefano Pioli Saud Arabystanynyň “Al-Nasr” futbol klubunyň täze baş tälimçisi boldy. Bu barada klubuň metbugat gullugy habar berdi.
Pioliniň soňky iş ýeri “Milan” boldy, topar bilen 2021/2022 möwsüminde Italiýanyň çempiony titulyny gazandy.
58 ýaşly italiýaly hünärmen bu wezipede 17-nji sentýabrda işden aýrylan portugaliýaly Luiş Kaştrunyň ornuny eýelär.
Kaştru klub bilen 2023-nji ýylyň iýul aýyndan bäri işleşip, 54 oýun geçirdi, şolaryň 36-synda ýeňiş gazandy, dokuz gezek deňme-deň oýnady we dokuz gezek utuldy. Geçen möwsümde onuň ýolbaşçylygynda “Al-Nasr” Saud Arabystanynyň çempionatynda ikinji orny eýeledi, Aziýa Çempionlar ligasynyň 1/4 finalynda ýaryşdan çykdy we ýurduň Kubogynyň finalynda utuldy. Topar ýekeje-de möhüm kubok gazanyp bilmedi.
2024/2025 möwsüminde klubuň häzirki netijeleri-de “Al-Nasryň” ýolbaşçylygyny kanagatlandyrmady. Kriştianu Ronaldu, Sado Mane, Emerik Lýaport we Marselo Brozowiç ýaly ussat oýunçylaryň bardygyna garamazdan, üç tapgyrdan soň topar çempionatda bäş utuk bilen ýedinji orny eýeleýär.
