Halkara Olimpiýa Komiteti (HOK) guramanyň prezidenti wezipesine dalaşgärleriň sanawyny hödürledi. Olaryň hataryna Bütindünýä Ýeňil atletika assosiasiýasynyň (World Athletics) prezidenti britaniýaly Sebastýan Kou girdi. Gutarnykly sanaw 2024-nji ýylyň 15-nji sentýabrynda arzalary kabul edişlik ýapylandan soň tassyklandy.
Öň, HOK-yň Pan Gi Munuň ýolbaşçylygyndaky etika boýunça komissiýasy prezident saýlawlary üçin görkezmeleri beripdi, bu sebäpli Kouwyň arzasy tassyklanman bilnerdi. Muňa garamazdan, onuň dalaşgärligi kabul edildi.
Beýleki dalaşgärleriň arasynda Halkara gimnastika federasiýasynyň başlygy Morinari Watanabe (Ýaponiýa), Iordaniýanyň Olimpiýa komitetiniň prezidenti Feýsal ibn Huseýn, suwda ýüzmek boýunça iki gezek Olimpiýa çempiony we HOK-yň ýerine ýetiriji komitetiniň agzasy Kirsti Kowentri (Zimbabwe), Halkara lyža sporty federasiýasynyň prezidenti Ýohan Eliaş (Şwesiýa), Fransiýanyň MOK-ynyň başlygy Dawid Lappartýen we ispaniýaly Huan Antonio Samaranç-kiçi bar.
Saýlawlar 2025-nji ýylyň 18 – 21-nji martynda HOK-yň sessiýasynda geçiriler, dalaşgärler öz maksatnamalaryny 2025-nji ýylyň ýanwar aýynda Lozannada geçiriljek ýapyk duşuşykda hödürlärler.
Öň, HOK-yň häzirki prezidenti Tomas Bah gaýtadan saýlanmazlyk kararyna gelendigini mälim etdi.
