United Airlines awiakompaniýasy Starlink bilen hyzmatdaşlygyň netijesinde özüniň ähli uçarlarynda mugt Wi-Fi hödürlemek meýilnamasyny yglan etdi. Bu täzelik ýokary belentlikde internet bilen bagly näsazlyklaryň aradan aýrylmagyna getirer. United kompaniýasynyň baş müdiri ýolagçylaryň bortda internetden edil ýerdäki ýaly peýdalanyp biljekdigini aýdýar diýip, gagadget.com habar berýär.
Ilon Maskyň Starlink hemralaýyn internet hyzmaty Ýere golaý orbitadan signal ibermegiň netijesinde durnukly birikmäni üpjün edýär. Starlink antennalarynyň uçarlara gurnalmagy uçuş wagty internetiň hilini ep-esli ýokarlandyrmaga mümkinçilik berer. United Airlines eýýäm bu hyzmatdan peýdalanýan JSX we Hawaiian Airlines kompaniýalarynyň hataryna goşular.
Wall Street Journal-yň ýakynda awiagatnawlaryň birinde geçiren synagynda internetiň tizligi birnäçe gurluşda 100 Mbit/s-den ýokary boldy. Şeýle tizlikde ýolagçylar kynçylyksyz wideo görüp, oýun oýnap we hatda wideojaňlara gatnaşyp bilerler. Starlink eýýäm, aýratynam, uzak sebitlerde özüni ygtybarly internet hyzmaty hökmünde görkezdi.
