“Akla sygmajak barlaglaryň ýyl ýazgylary” (Annals of Incredible Research) žurnaly tarapyndan döredilen Şnobel baýragy (Ig Nobel Prize) nobatdaky barlagçylar toparyna “birbada gülkünç görünýän, ýöne soň oýa batyrýan üstünlikler üçin” gowşuryldy. TASS dürli ugurlar boýunça baýrak alanlaryň sanawyny çap etdi.
Parahatçylyk baýragy:
Hat gatnadyjy kepderileri nyşana alyjy raketalara ýerleşdirmegiň maksadalaýyklygyny öwrenmek boýunça geçiren barlagy üçin sylaglandy.
Fizika ugrundan baýrak:
Jeýms Liao (ABŞ) ölen forel balygynyň ýüzmäge ukyplydygyny görkezendigi üçin baýrak aldy.
Botanika ugrundan baýrak:
Germaniýaly we braziliýaly alymlar "janly ösümlikleriň öz golaýynda duran emeli ösümlikleriň şekilini gaýtalaýandygyny subut edendigi üçin" sylaglandy.
Anatomiýa ugrundan baýrak:
Fransiýaly we çilili barlagçylar "Demirgazyk ýarym şarda ýaşaýan adamlaryň kellesindäki saçyň ösüş ugrunyň Günorta ýarym şarda ýaşaýanlaryňky bilen deň gelýänini-gelmeýänini" öwrendiler.
Lukmançylyk ugrundan baýrak:
Şweýsariýaly, germaniýaly we belgiýaly alymlar topary "agyryly täsirleri döredýän galp derman serişdeleriniň agyryly täsirleri döretmeýän galp dermanlardan has täsirli bolup biljekdigini görkezendigi üçin" baýrak aldy.
Ähtimallyk teoriýasy ugrundan baýrak:
Ýokary zyňlan teňňäniň “arka tarapyna düşýändigini” görkezýän barlag üçin gowşuryldy.
Himiýa ugrundan baýrak:
"Serhoş gurçuklary sersaglardan aýyrmakda hromatografiýanyň ulanylyşy" üçin gowşuryldy.
Demografiýa ugrundan baýrak:
Awstraliýaly barlagçy uzak ýaşlylaryň aglabasynyň ölüm we önelgelilik derejesi pes sebitlerde ýaşaýandygyny anyklady.
Şnobel baýragy 1991-nji ýyldan bäri gowşurylýar we 10 dürli barlag ugruny öz içine alýar. Baýraga käwagt Nobel baýragynyň tersine baýrak hem diýilýär. Käbir dalaşgärler Nobel baýraklaryna gabat gelýär, galanlary her ýyl aýratynlykda döredilýär.