Unicode konsorsiumy Unicode standartynyň 16.0 wersiýasynyň operasion ulgamlara girizilmegi bilen elýeterli boljak sekiz sany täze emojini tassyklady. Bu barada Daily Mail habar berýär.
Täze nyşanlaryň arasynda arfa, pil, syýa tegmili, barmak yzy, şugundyra meňzeş köki miweli, ýapraksyz agaç, Sark adasynyň baýdagy we gözüniň aşagy "çişli" ýadaw ýüz bar.
Emojipedia saýtynyň maglumatlaryna görä, ýadaw ýüzli smaýlik 2024-nji ýylda iň köp garaşylýan emoji hasaplanylýar. Sosial ulgamlary ulanyjylar onuň adamlaryň ukusyz gijelerden soňky ýagdaýyny doly suratlandyrjakdygyny begençli bellediler.
Unicode konsorsiumy nyşanlaryň umumy sanyny 154 998-e çenli artdyrmak bilen, 16.0 wersiýanyň çykjakdygyny tassyklady. Täze emojiler ýakyn aýlarda operasion ulgamlarda peýda bolup başlar we 2025-nji ýylyň dowamynda ýaýradylar.
Unicode Kaliforniýa ştatynyň (ABŞ) Mauntin-Wýu şäherinde ýerleşen täjirçilik däl guramadyr. Onuň maksady nyşanlary kodlamagyň bar bolan shemalarynyň ornuny tutýan Unicode standartyny goldamakdan ybarat.
