ABŞ-nyň Miçigan ştatynyň ýaşaýjysy 30 ýyllap gapysyna söýeg hökmünde bir daş ulanypdyr. Şol daşyň 100 müň dollarlyk meteoritdigi onuň aklyna hem gelmändi. Bu waka barada LADBible neşirinde gürrüň berilýär.
Ol adam 1988-nji ýylda bir daýhandan jaý satyn alypdyr. Şol wagt gapyň agzynda duran daş onuň ünsüni çekipdir. Ol daşyň gelip çykyşy barada soranda, satyjy onuň 1930-njy ýyllarda tapylan meteoritdigini aýdypdyr.
Daýhan: "Ol ýere degende güýçli ses etdi".
Daýhan meteoriti tapanda, ol heniz sowaman eken. Ol asman jismini öýüne getirip, ony 1988-nji ýylda jaýyň täze eýesine gowşurýança saklady.
Ýaňy ýakynda jaýyň eýesi daşyň gymmatyny bilmek kararyna gelip, ony bahalandyrmaga alyp gidipdir.
Geologiýa mugallymy Monaliza Sirbesku meteoriti mikroskopda öwrenip, onuň 88% demirden we 12% nikelden ybaratdygyny anyklady. Ol: “Bu nusga, meniň elimde saklap gören maddy we ylmy taýdan iň gymmatly nusgamdyr. Pikir edip görüň, meniň elimde saklaýan zadym, ilkinji Gün sistemasynyň elimize düşen bölegidir" – diýdi.
Meteorit tapylan ýeri mynastbetli Edmor diýlip atlandyryldy.
