Oasis toparynyň 1994-nji ýylda çykan “Definitely Maybe” albomy 30 ýyldan soň Beýik Britaniýanyň albom çartynda ýene birinji orny eýeledi. Şeýle üstünlik ýakynda toparyň ýene birigýändiginiň yglan edilmegi bilen baglanyşyklydyr diýip, Billboard habar berýär.
Şol habardan soň albomyň satuwy 408% ýokarlandy. “Definitely Maybe” albomy “Monnow Valley” sessiýalary, “Sawmills” ýazgylaryndan autteýkler we “Sad Song” kompozisiýasynyň alternatiw demo-ýazgylary ýaly öň çykarylmadyk materiallary öz içine alýan 30-njy ýubileý delýuks wersiýasynyň çykmagy netijesinde çartyň başyna gaýdyp geldi.
Çartyň ilkinji bäşligine Oasis-iň ýene iki albomy girdi: “Time Files... 1994-2009” (3-nji orun) we “(What’s the Story) Morning Glory?” (4-nji orun).
1991-nji ýylda Mançesterde doganlar Noel we Liam Gallaherler tarapyndan döredilen Oasis topary doganlaryň arasyndaky köp dawalardan soň 2009-njy ýylda dargamazdan ozal ýedi studiýa albomyny çykardy.
27-nji awgustda toparyň 15 ýyldan soň gaýtadan birleşjekdigi habar berildi. Oasis birnäçe konsert berer. Konsert syýahaty 2025-nji ýylyň 4-nji iýulyndan 17-nji awgusty aralygynda Kardiff, Mançester, London, Edinburg we Dublin şäherlerinde geçiriler.
Belläp geçsek, 1,4 mln petegiň ählisi 10 sagadyň içinde satyldy.
