Harri Keýn we Mohamed Salah milli ýygyndylary üçin ýubileý 100-nji oýunlaryny bellediler.
10-njy sentýabrda Angliýanyň milli ýygyndysynyň hüjümçisi we kapitany Garri Keýn UEFA-nyň Milletler Ligasynyň Finlýandiýa garşy oýnunda “üç ýolbarsyň” düzüminde ýüzünji oýnuny oýnady. Duşuşyk başlamazdan öň oňa Angliýanyň milli ýygyndysynyň öňki oýunçylary Eşli Koul we Frenk Lempard tarapyndan “Altyn papak” gowşuryldy.
Keýn ilkinji gezek milli toparyň düzüminde 2015-nji ýylyň mart aýynda Ýewropa çempionaty – 2016-nyň Litwa garşy saýlama oýnunda çykyş etdi, ol gol bilen tapawutlandy. Angliýanyň milli ýygyndysy üçin Keýn jemi 66 gol geçirdi we 19 assist bilen tapawutlandy.
Şol gün “Liwerpulyň” sag hüjümçisi Mohamed Salah Müsüriň milli ýygyndysy üçin 100-nji oýnuny geçirdi. Ýubileý oýny 2026-njy ýylyň dünýä çempionatynyň Afrika saýlama ýaryşynyň çäklerinde Gwineýa-Bisau toparyna garşy boldy we deňme-deň (1:1) tamamlandy. Salah Müsüriň milli ýygyndysy üçin 2011-nji ýyldan bäri çykyş edýär. Ol bu döwürde 56 gol geçirip, 33 netijeli geçirim bilen tapawutlandy.
Transfermarkt portalynyň maglumatlaryna görä, 32 ýaşly oýunçynyň bahasy 55 mln ýewro.
