“Barselonanyň” baş tälimçisi Hans-Diter Flik Ispaniýanyň çempionatynda awgustyň iň gowy tälimçisi diýlip ykrar edildi. Flik bu baýragy alan ilkinji nemes hünärmeni boldy diýip, Squawka habar berýär.
Flik şu möwsümden öň Hawi Ernandesiň ornuna geçip katalon klubuna ýolbaşçylyk etdi. Onuň ýolbaşçylygynda topar Ispaniýa çempionatynyň dört başlangyç oýnunda jemi 13:3 tapawudy bilen, dört ýeňiş gazandy. Awgust aýynda “Barselona” “Walensiýany” (2:1), Bilbaonyň “Atletigini” (2:1), “Raýo Walýekanony” (2:1) we “Walýadolidi” (7:0) utdy.
Şeýle hem aýyň iň gowy tälimçisi diýen ada Luis Garsiýa (“Alawes”) we Marselino Toral (“Wilýarreal”) dagy hem dalaş etdiler.
Katalon kluby La Ligada 12 utuk toplap, “Realdan” 4 utuk öňde barýar.
“Barselona” indiki oýnuny 15-nji sentýabrda “Žirona” bilen oýnar.
