Parižde 168 ýurtdan tas 4,5 müň türgen ýygnan XVII tomusky Paralimpiýa oýunlary tamamlandy. Ýapylyş dabarasy “Stad de Frans” stadionynda geçirildi we 24 sany fransiýaly sazandanyň gatnaşmagynda uly şüweleň hökmünde guraldy diýip, Bi-bi-Si ýazýar.
Ýagşyň ýagandygyna garamazdan, çäre gyzykly we baýramçylyk ruhunda geçdi.
Medal hasabatynyň netijesi boýunça, Hytaý 94 altyn medal bilen birinji orny eýeledi, ikinji orunda Beýik Britaniýa, üçünji orunda ABŞ ýerleşdi.
Guramaçylar ýaryşlaryň geçiriliş derejesini ep-esli ýokarlandyrdylar, petek satuwy bolsa rekord görkezijä ýetdi – tas 2,5 mln petek satyldy, olardan 90%-den gowragyny ýerli ilat aldy. Paralimpiýa meýdançalaryndan fransuz kanallarynyň TW ýaýlymlarynyň reýtingi hem görlüp-eşidilmedik derejede ýokary boldy.
Dabara Olimpiýa alawynyň öçürilmegi we estafetanyň 2028-nji ýylda Oýunlary kabul etjek şäher Los-Anjelese geçirilmegi bilen tamamlandy. Çäräniň jemleýji bölegi Oýunlaryň tamamlanandygyny alamatlandyran feýerwerk boldy.
