MMA-nyň russiýaly söweşijisi Usman Nurmagomedow watandaşy Aleksandr Şablini ýeňip, ýeňil agramda Bellator-yň titulyny gorady. Söweş San-Diegoda (ABŞ) geçirildi, bäş raundyň jemi boýunça emin agzalary ýeňşi guşagyň häzirki eýesine berdiler.
Nurmagomedow üçin bu ýeňiş titulyň ikinji gezek üstünlikli goragy boldy. Onuň hasabynda 18 ýeňiş bar, bir söweş geçirilmedik diýlip hasaplanyldy. Aleksandr Şabliniň hasabynda indi 24 ýeňiş we dört ýeňliş bar.
Ýaryşyň netijesinde Usman Nurmagomedow $100 000 gazandy, Aleksandr Şabliniň ýeňliş üçin gonorary bolsa $50 000 boldy.
