Google birnäçe aýlyk synagdan soň Android 15 operasion ulgamynyň durnukly wersiýasyny çykardy. Çeşme kody eýýäm Android Open Source Project-da (AOSP) elýeterlidir, ýöne täzelenmeleriň "howa" arkaly ýaýradylmagy entek başlanmady diýip, GSMArena belleýär.
Google smartfonlary üçin sentýabr aýyndaky täzelenme henizem Android 14-e esaslanýar. Kompaniýa ýakyn hepdelerde Pixel modellerini goldamak üçin Android 15-i ýaýratmagy meýilleşdirýär. Şeýle hem “ýakyn aýlarda” täzelenmäniň Samsung, Honor, iQOO, Lenovo, Motorola, Nothing, OnePlus, Oppo, Realme, Sharp, Sony, Tecno, Vivo we Xiaomi enjamlarynda peýda bolmagyna garaşylýar.
Deslapky maglumatlara görä, täzelenme Pixel smartfonlary üçin 2024-nji ýylyň oktýabr aýynda elýeterli bolar.
