“Barselona” täze çykyş eşik toplumyndan köýnekçäni rekord baha bilen satuwa çykardy. Klubuň resmi saýtynda köýnekçäniň esasy görnüşiniň bahasy 114,99 ýewro barabar. Eger janköýerler köýnekçä familiýa we belgi ýazdyrmak islese, onda olar 184,99 ýewro tölemeli bolar.
Mundo Deportivo neşiriniň habar bermegine görä, şeýle bahalar Kataloniýa klubunyň täze köýnekçesini taryhda iň gymmat köýnekçä öwürýär.
Deňeşdirmek üçin, Madridiň “Realynyň” köýnekçesiniň esasy görnüşi 15 ýewro arzan, familiýa we belgi bilen – 184,99 ýewro.
La Liganyň dört tapgyryndan soň “Barselona” 12 utuk bilen ýaryş jedwelinde birinji orny eýeleýär. “Real” sekiz utuk bilen dördünji orunda ýerleşýär.
