YouTube Parižde geçirilen Olimpiýa oýunlary barada täsirli statistika paýlaşdy.
PhoneArena.com-yň habaryna görä, Olimpiada wagtynda wideo hyzmatyny ulanyjylar Olimpiýa oýunlaryna tomaşa etmek üçin 40 milliard minutdan ýa-da 650 million sagatdan gowrak wagt sarp edipdirler. Bu bolsa, 76 000 ýyl üznüksiz tomaşa etmegiň wagtyna deňdir.
Tomaşalaryň umumy sany 12 milliarddan geçdi. Aýratyn tomaşaçylaryň sany bolsa 850 milliondan gowrak boldy.
YouTube-yň resmi Olimpiada kanaly, 1,1 milliondan gowrak sport ýaryşlaryna uly gyzyklanma bildirýän täze abunaçy toplady. Şeýle-de bolsa, bu hyzmat münlerçe sagatlyk mazmuny sportuň 32 dürli görnüşinde ýaýlyma bermek üçin NBCUniversal, Eurosport, Claro Sports we CazeTV ýaly ýaýlym hyzmatdaşlary bilen işleşdi.
