Müňýyllyklaryň dowamynda Taýwanyň gadymy ýaşaýjylary has owadan hem mert görünmek üçin sagdyn dişlerini meýletin gopardypdyrlar diýip, Archaeological Research in Asia žurnalynda çap edilen barlaga salgylanýan Live Science ýazýar.
Takmynan, 4800 ýyl ozal, neolit eýýamynda peýda bolan bu däp XX asyryň başyna çenli dowam edipdir. Arheologiki tapyndylarda alyn dişleriň we gyýaklaryň ýokdugy göze ilýär, bu alymlaryň pikirine görä, özüňi owadan görkezmegiň usuly bolupdyr.
Dişleri aýyrmak ýüze özboluşly aýratynlyk berip, dili has göze ilgiç edipdir we ýüz keşbe ünsi çekipdir. Bu prosedura däp-dessur ähmiýetine eýe bolup, käwagt erkekleriň ýigit çykandygyny görkezmekde ulanylypdyr .
Anesteziýasyz geçirilen bu operasiýa diýseň agyryly bolupdyr: agyz boşlugy gan akmanyň we çişmäniň öňüni almak üçin kül bilen doldurylypdyr. Bu agyra çydap bilmeklik gaýduwsyzlygyň subutnamasy hasaplanypdyr.
Bu tejribe ilatyň erkekler, aýallar we hatda çagalar ýaly dürli toparlarynyň arasynda giňden ýaýrapdyr we käwagt tatuirowkanyň agyrysyny azaltmak ýaly yrymlar bilen baglanyşdyrylypdyr. Meşhurlygyna garamazdan, bu däp wagtyň geçmegi bilen ýitip gitdi.
