Strikerz studiýasy ilkibaşda 12-nji sentýabrda çykarylmagy meýilleşdirilen UFL futbol simulýatorynyň reliz senesiniň yza süýşürilendigini habar berdi. Indi oýun PlayStation 5 we Xbox Series konsollarynda 5-nji dekabrda çykar, ýörite wersiýanyň eýeleri bolsa 28-nji noýabrda oýnamaga başlap bilerler.
Işläp düzüjiler möhletiň yza süýşürilmeginiň sebäbi hökmünde taslamany gutarnykly işlemegiň zerurdygyny belleýärler.
Resmi ýüzlenmede Strikerz goşmaça wagtyň oýnuň hilini ýokarlandyrmaga we ulanyjylar üçin has gowy oýun tejribesini döretmäge kömek etjekdigini düşündirdi.
“Biz oýny 12-nji sentýabrda çykaryp bilsek-de, oýundan has gowy täsirleri üpjün etmek üçin köp wagt sarp etmek isledik. Biz futbol oýnunyň ideal taýýarlanyş usulynyň ýokdugyna düşünýäris, ýöne biz üçin oýnuň ýokary ülňülerimize we siziň garaşanlaryňyza laýyk gelmegi wajypdyr” – diýlip, kompaniýanyň beýanynda aýdylýar.
UFL – GDA ýurtlaryndan hünärmenleriň gatnaşmagynda Strikerz studiýasy tarapyndan işlenip taýýarlanýan mugt futbol simulýatory. Taslamanyň esasy maýadarlarynyň biri futbol ýyldyzy Kriştianu Ronaldudyr, ol bu oýnuň işlenip taýýarlanmagyna 40 mln dollar töweregi maýa goýdy. Oýun PK-da hem çykar, ýöne bu platforma üçin reliziň anyk senesi gijräk belli bolar.
