Meşhur aktýor Jeki Çan Parižde dowam edýän 2024-nji ýylyň Paralimpiýa oýunlarynda taekwondo ýaryşynyň açylyş dabarasyna gatnaşdy. Ol pandaly sport eşiginde Trois coups (“Üç urgy”) simwoliki dabarasyny geçirdi.
Trois coups usuly köplenç teatrda ulanylýar, aktýorlar ýörite taýagyň urgusynyň kömegi bilen çykyş başlamazdan öň tomaşaçylaryň ünsüni çekýärler. Bu tejribe Parižde geçen 2024-nji ýylyň Olimpiadasynda ulanyldy – käbir ýaryşlar başlamazdan öň çagyrylan myhman dabaraly urgyny ýerine ýetirdi.
Belläp geçsek, Jeki Çan häzirki Paralimpiadanyň alaw estafetasyna-da gatnaşdy.
Parižde Paralimpiada 28-nji awgustda başlady. Ol 8-nji sentýabra çenli dowam eder.
