Öň Mail.ru Group ady bilen tanalýan VK kompaniýasy “Poçta”, “Bulut”, “Senenama”, “Doska” we “Bellikler” ýaly hyzmatlary öz içine alýan Mail platformasynyň täzeden açylýandygyny habar berdi. Täzelenmäniň çäginde täze dizaýn we logotip, şeýle-de, wirtual kömekçi - Baýt atly it bilen tanyşdyryldy.
Kompaniýanyň metbugat gullugy bu üýtgeşmeleriň ýaşlary özüne çekmäge we platformanyň ösüşinde täze tapgyry görkezmäge gönükdirilendigini düşündirdi. Täze logotip .ru domen zolagyny ýitirdi we reňk palitrasynda bolsa indi täzelenen gök we açyk ýaşyl bar.
Ak it Baýt Mail-iň tumaryna öwrüler we ulanyjylara neýrosetler bilen işlemek we tekstleri gysgaltmak ýaly hyzmatlarda ugrukdyrmaga we platformanyň mümkinçiliklerini özleşdirmäge kömek eder. Mail-iň biznes bölüminiň müdiri Andreý Sumin Mail-iň poçta we bulut hyzmatlaryny, öndürijiligiň gurallaryny, söwdany guramagy we meýilnamalaşdyrmagy utgaşdyrýan ekoulgama öwrülendigini aýtdy.
Sumin: "Tehnologiki üýtgeşmeleriň yzy bilen wizual täzelenmeleriň hem wagty geldi" – diýip belledi.
