HMD kompaniýasy Barbie brendi bilen täze telefon çykardy, ol Barbie Phone adyny aldy. Telefon öndürijiniň saýtynda eýýäm hödürlendi, satuwa bolsa oktýabr aýynda $129 baha bilen çykarylar.
Barbie Phone döwrebap nesil smartfony däl. Onda jaňlardan we smslerden başga, hiç hili programma we ösen funksiýalar göz öňünde tutulmaýar. HMD ony ulanyjylaryň öz smartfonyndan dynç alyp bilmegi üçin sanly detoks gurluşy hökmünde görkezýär. Telefon kiçi 2,8 dýuým içki ekrana eýe boldy, onuň beýikligi bolsa 11,3 sm, ini 5,7 sm, ýogynlygy 1,9 sm barabar.
Şeýle-de, surat üçin 5 Mp kamera, bluetooth, nauşnik üçin 3,5 mm port, fonar, USB porty we Wi-Fi-a birikmek mümkinçiligi bar. Daşky görnüşi özboluşly etmek üçin Barbie Phone stilistikasyny gülgüne reňkdäki çalşylýan yzky paneller, monjukly goşar bilezigi hem-de öz-özi ýelmeşýän daşjagazlar goldaýar. Gurluşda “ýylan” oýny Barbie stilinde ýerine ýetirildi.
The Verge-iň bellemegine görä, kompaniýa bu telefony çykarmak bilen birneme gijä galdy. Özüniň açylyp-ýapylýan modellerini eýýäm köp öndüriji hödürledi. Ýöne olardan tapawutlylykda, HMD ulanyjylara tehnologiýa däl-de, şähdaçyklyk bermäge çalyşýar.
