Esasy kibersport ýaryşlaryny gurnaýjy hökmünde tanalýan Rumyniýanyň PGL kompaniýasy 2025-nji we 2026-njy ýyllar aralygynda Counter-Strike 2 boýunça 11 sany halkara çempionatyny geçirmegi meýilleşdirýändigini mälim etdi. Her ýaryşda 16 gatnaşyjy we 1,25 million dollar baýrak gaznasy bolar.
PGL 7 sany ýaryşy özbaşdak gurnamagy meýilleşdirýär, 3 ýaryş bolsa Günorta Amerikada FiReSPORTS-yň goldawy bilen geçiriler. Ýene bir çempionat Hytaýyň Perfect World kompaniýasy bilen hyzmatdaşlygyň çäginde geçiriler.
Gyzykly tarapy, PGL ýaryşlara gatnaşmak üçin açyk saýlama oýunlaryny geçirmegi meýilleşdirmeýär. Şeýle hem, kompaniýa goşmaça garaşylmadyk ýaryşlaryň bolup biljekdigini mälim etdi.
2025-2026-njy ýyllar üçin PGL CS2 ýaryşlarynyň tertibi
2025-nji ýyl:
- Buenos-Aýres, Argentina - 13-23-nji fewral;
- Buharest, Rumyniýa - 3-13-nji aprel;
- Astana, Gazagystan - 8-18-nji maý;
- Şanhaý, Hytaý - 1-13-nji oktýabr;
- Belgrad, Serbiýa - 23-nji oktýabr - 2-nji noýabr.
2026:
- Buenos-Aýres, Argentina - 12-22-nji fewral;
- Buharest, Rumyniýa - 2-12-nji aprel;
- Astana, Gazagystan - 7-17-nji maý;
- Belgrad, Serbiýa - 6-16-njy awgust;
- San-Paulu, Braziliýa - 1-11-nji oktýabr;
- Barselona, Ispaniýa - 22-nji oktýabr - 1-nji noýabr.
