Fransiýanyň “Lion” futbol kluby ähli oýunçylaryny diýen ýaly transfere goýdy. Bu barada L’Equipe neşirine salgylanyp, foot01.com portaly habar berýär. Şeýle çözgüdiň sebäbi maliýe fair play bilen baglanyşykly meseleler boldy.
“Lion” fransuz klublarynyň maliýe gözegçiligine jogap berýän guramadan tomus penjiresiniň ahyryna çenli transferlerden 100 mln ýewro gazanmak talabyny aldy. Klub oýunçylaryň agentlerine we Ýewropa klublaryna mynasyp teklip gelen ýagdaýynda futbolçylary satmaga taýýardygy baradaky habary ýollady.
Transfermarkt portalynyň maglumatlaryna görä, “Lionyň” düzüminiň umumy transfer bazary 261,5 mln ýewro diýlip hasaplanylýar.
Geçen möwsümde “Lion” Fransiýanyň çempionatynda altynjy orny eýeledi.
